عايز احب/عايزة احب..بس مش عارف!!!طب تعالي اسمعني

من طرف ميدو العاشق الجمعة 06 نوفمبر 2009, 12:52 am

بسم الله الرحمن الرحيم

كتير مننا بيسمعوا بس عن الحب
بس مش عايشينه
صاحبك جارك اخوك سواق التاكسي
صاحبتك جارتك اخوكي سواق التاكسي
تسمعي قصص حبهم
فيه منهم تسمعيه تقولي ياحلاوة الحب
فيه منهم تسمعيه تقولي بلا هم

ليه بقي مانجربش احنا الحب
و احنا اللي نحكم ب تجاربنا احنا
مش ب الغنا ع الودان

عايزة تحبي؟
عايز تحب؟

مش عارف؟

طب ماتعرف/او تعرفي

تعالوا سوا نتعرف ع الحب و علي عذابه
مش هاقول مشاكله عشان الحب حلال للمشاكل اصلا
هافهمكم بس امشوها معايا واحدة واحدة

خايف اصدق اتخدع؟
خايف اصون اتخان؟
خايف اشتري اتباع؟

خايف من ده كله
يبقي لازم تحب
ماحدش بيعرف ان السكر سكر من غير مايدوقه
لو جبتلكوا شوية ملح و خليتهم بودر
و شوية سكر و خليتهم بودر
و الله ماهاتعرف تفرق من غير ماتدوق
ماكنش ربنا خلاها حاسة ف البني ادم
التذوق

دوق الحلو(الحب) هاتحسه
دوق المرار هاتستسهله عشان انت اصلا من غير حب متعود عليه

ماتحاولش تبعد عن الحب و من جواك بتقول
ان انت كده ف الامان و بعيد عن اي جرح
انت كده عايش ف الدنيا جسد من غير روح
جرب تحب يا اخي بس تحب حقيقي

خطوات الحب:

1-الاحساس الصادق
2-الاختيار الصح
3-الايمان الكامل ب نية الحب ده

عارف ممكن تحب مامتك
باباك
حبيبك
اخوكي

قبل ده كله
مانحب ربنا
بس صح
كلنا بنحب ربنا
بس لو ايمانه صح ف قلبنا
عمرنا ماهنبعد عن اصدق احساس
ربنا خلقه جوا آله دموية اسمها القلب

صدقوني المحتار لسه
يبقي مافهمنيش
حب الناس
الدنيا تحبك
حب عدم الحب
مش هاتبقي عايش اصلا
هايبقي الموت ارحملك

و حب عن حب يفرق
كلنا بنحب اه
بس بالفطرة
مش من جوايا اللي مقررة الحب ده

ياريت يكون حد فهمني

لسه كتير عايزه افهمهولكو
بس بعدين